Куќен ред

Како и во секој дом, така и во домот на животните постојат правила кои треба да ги почитуваат сите посетители за да можат животните во мир и хармонија да го поминуваат своето време во Зоолошката Градина.

Животните во градината служат за радост на нашите посетители. Од општ интерес е да се пазат и да не се повредуваат.

• Забрането е дразнење или било какво вознемирување на животните.
• Забрането е пушење во објектите на животните.
• Посетителите не смеат да ги хранат животните во Градината.
• Забрането е прескокнување,провлекување,наведнување низ оградите пред објектите кај животните. Предупредуваме дека не сносиме одговорност за настанатата штета ако не се придржувате кон оваа точка од уредбата.
• Велосипеди, мопеди, кучиња и други работи кои можат да ги повредат посетителите или вознемират животните не смеат да се внесуваат во Градината.
• Фотографирање, снимање за приватни потреби е дозволено, а без одобрение од управата на Градината не смее да се користат за комерцијални или рекламни намени. Снимањето во објектите може да се користи само во договор со овластено лице од Градината.
• Деца до 10 години можат да ја посетат Градината во придружба на возрасни.
• На нашите вработени дозволена им е контрола на влезниците. На нивно барање секој посетител е должен да ја покаже влезницата, која мора да ја чува се до напуштањето на Градината.
• Секој посетител со самото купување на влезница е запознаен со оваа наредба, како и со забраната за хранење на животните. Непридржувањето кон оваа наредба повлекува последици и обврска за надомест на направената штета согласно позитивните законски одредби.